2009 ஆம் ஆண்டில் சிறந்தமனிதர் ஸ்லம்டாக் மில்லினர் ஏ.ஆர்.ரஹ்மான்

2009 ஆம் ஆண்டில் இந்தியாவின் சிறந்தமனிதராக ஸ்லம்டாக் மில்லினர் பட இசையமைப்பாளர் ஏ.ஆர்.ரஹ்மானை தேர்வு செய்துள்ளது இந்தியா டுடே.
இதுபற்றிய விரிவான செய்தி

Slumdog Millionaire Rahman voted Indian of the Year 2009

பொய்களே மூலதனம்

செவ்வாய் தோஷங்களும்
ஏழறை சனியும்
உச்சத்தில் இருப்பதாய்
வார்த்தைகள்
சன்னமாய் விழும்...

லொடலொடவென
கொட்டித்தீர்க்கும்
வார்த்தைகளில்
பரிகாரங்களின்
பரிமாற்றங்கள்...

பொய்களை
மூலதனமாக்கி
ஜோதிடர்கள்
சொல்லும் வார்த்தைகளில்
பல முதிர்கன்னிகளின்
பிரசவம்

உலகம் எப்போ அழியும்
போர் எப்போ வரும்..
அடடா...
சுனாமிக்கும் கூட
பிரசன்னம் பார்க்க
ஆரம்பித்து விட்டார்கள்

நடிகைக்கு உதடு
ஜோசியம் பார்த்து
குமுதத்தில்
அட்டைப்பட செய்தி வேறு..

மச்சில் இருக்கும்
கணவான்கெளுக்கெல்லாம்
நாடி ஜோதிடம் சொல்லுவோரே...
குச்சிலில் இருக்கும்
குடியானவன்
கோபுரம் ஏற..
ராசிக்கல் ஏதாச்சும் இருக்கா

கொஞ்சம் பாத்துத்தான் சொல்லுங்களேன்...

இயக்குனர் பாரதிராஜா அலுவலகம் சூறை

நாடாளுமன்ற தேர்தலில் காங்கிரசுக்கு எதிராக பிரச்சாரம் செய்த பாரதிராஜாவின் அலுவலகத்தை நேற்று இரவு மர்ம கும்பல் தாக்கி பெரும் சேதம் ஏற்படுத்தியது.

இதையடு்தது திரையுலக தமிழீழ ஆதரவு இயக்கத்தைச் சேர்ந்த இயக்குநர்கள் ஆர்.சுந்தரராஜன், சீமான் வீடுகளுக்கு பாதுக்காப்பு அளிக்க தமிழக போலீசார் முடிவு செய்துள்ளனர்.

சென்னை ஜெமினி பார்சன் வளாகத்தில் உள்ள பாரதிராஜாவின் சினிமா எடிட்டிங் மற்றும் டப்பிங் ஸ்டுடியோவில் நேற்று இரவு 8 மணிக்கு 5 பேர் கொண்ட மர்ம கும்பலினர் நுழைந்து அங்குள்ள அறைகளை அடித்து நொறுக்கினார்கள்.

சத்தம் கேட்டு மேல் தளத்தில் இருந்த பாரதிராஜாவின் உதவியாளர் மகேஷ், ஆபீஸ் பையன் ராம்கி ஆகியோர் ஓடிவந்தனர்.

அவர்களை தாக்குதல் நடத்திய மர்ம கும்பல் மிரட்டியது. இதனால் அவர்கள் ஒதுங்கி நின்றுகொண்டனர்.

இது தொடர்பாக துணை கமிஷனர் மவுரியா, உதவி கமிஷனர் ரவீந்திரன், இன்ஸ்பெக்டர் ராமலிங்கம் ஆகியோர் சம்பவ இடத்திற்கு விரைந்து வந்து விசாரணை நடத்தினர்.

இந்த சம்பவம் தொடர்பாக பாரதிராஜாவின் உதவியாளர் மகேஷ், கொடுத்த புகாரின் பேரில் விசாரணை நடத்தப்பட்டு வருகிறது.

சம்பவம் குறித்து அங்கு வந்த இயக்குநர் சுந்தரராஜன், இந்த தாக்குதல் குறித்த தனது அதிர்ச்சியைத் தெரிவித்தார்.

பின்னர் அவர் கூறியதாவது:

சோனியாகாந்தி சென்னை வரும்போது இயக்குநர் பாரதிராஜாவும், நானும் கறுப்பு கொடி ஆர்ப்பாட்டத்தில் கலந்து கொண்டோம். ஈழத் தமிழரைக் காக்க காங்கிரஸ் கட்சிக்கு எதிராக வாக்களிக்க வேண்டும் என்று கடந்த ஒருமாதமாக பிரச்சாரம் செய்தோம்.அதன் விளைவுதான் இது. அடுத்து என் வீடும், சீமான் வீடும், ஆர்.கே.செல்வமணி வீடும் தாக்கப்படலாம் என்றார்.

இதையடுத்து இயக்குநர்கள் சீமான், சுந்தரராஜன் மற்றும் செல்வமணி வீடுகளுக்கு பாதுகாப்பு அளிக்கப்பட்டுள்ளதாகவும், குற்றவாளிகள் விரைவில் கைது செய்யப்படுவார்கள் என்றும் துணை கமிஷனர் மௌரியா தெரிவித்தார்.

என் மாமா பையன் ஸ்டேட் பர்ஸ்ட்

என் மாமா பாலசுப்பிரமணியம் நேத்திக்கு நைட்டே கதர்ஸ்டோர் விஷயமா திருநெல்வேலிக்கு போயிட்டார். நைட் வர லேட்டாகும்னு தெரிஞ்சதால அத்தை மட்டும் தான் வீட்டில்... கூடவே, அவங்க இரண்டு பொண்ணுங்களும், பையன் ரமேஷூம் மட்டும் தான் இருந்தாங்க...

இன்னிக்கு காலையில் பிளஸ்டு ரிசல்ட் வரும் காலையில் வீட்டுக்கு வரனும்... எப்படியும் நெல்லை டிஸ்டிக்கில் எம்பையன் பர்ஸ்ட் ரேங்க் எடுப்பான் என்று கிளம்பும் போதே என்னிடம் சொன்னார்.

இன்னிக்கு காலையில், ரமேஷ் என்னிடம், அத்தான், நீங்க தான் ரிப்போர்ட்டர் ஆச்சே... உங்க செல்வாக்கை பயன்படுத்தி என்னோட ரிசல்டை பாருங்களேன் என்று சொல்லிக்கொண்டுருந்தான். காலையில் 9 மணிக்கு நான் தற்செயலாய் கலைஞர் டிவியை போட்டேன். அதில் தென்காசி பாரத் மாண்டிச்சேரி மாணவர் ரமேஷ் மாநிலத்திலேலே முதலிடம் என்ற பிளாஸ் நியூஸ்....

எனக்கு கையும் ஓடலை... காலும் ஓடலை... அவனை கூப்பிட்டேன். டேய் ரமேஷ் இங்க வாடான்னு... தொலைக்காட்சியை காட்டினேன். அவன் பார்த்து விட்டு சர்வசாதாதரணாய் போனான்.

இப்ப பாருங்க என் ஸ்கூலில் இருந்து போன் வரும்னான்... அவன் சொன்ன மாதிரியே பாரத் மாண்டிச்சோரியில் இருந்து போன் வந்தது. பையனை கூட்டிகிட்டு உடனடியாக ஸ்கூலுக்கு வாங்க டிஒ பார்க்கனும்னு சொன்னார்னு பிரின்ஸ்பலே அத்தையிடம் சொன்னார்.

அவன் அப்போதும் கூட சிரிக்கவே இல்லை. பிரஸ் கான்பரன்சில என்னடா சொல்லப்போற... வழக்கம் போல கலெக்டர் கனவு தானா... என்றேன்.

நீங்க வாங்களேன் அத்தான்...

வேண்டாம் எனக்கு வேலையிருக்கு நீ போயிட்டு வா... நானாடா ஸ்டேட் பர்ஸ்ட் வந்திருக்கேன்.. நீ தானே... என்றேன்.

அத்தான்... நீங்க என்ன சொல்றீங்க... நீங்க கூட தமிழில் டிஸ்டிக் பர்ஸ்ட் எடுத்தவர் தானே... என்று மடக்கினான்.

இந்த நேரத்தில் மகிழ்ச்சியை பகிர்ந்து கொள்ள மாமாவிற்கு போன் போட்டேன். நீங்கள் அழைத்த எண் தற்போது சுவிட்ஆப் செய்யப்பட்டுள்ளது என்று பதில் வந்தது.

படிப்புக்காக பல தியாகங்கள்... இரவு 12 மணி வரையில் கூடவே இருந்த பாலசுப்பிரமணியன் மாமாவை இந்த நேரத்தில் கண்டிப்பாக ரமேஷ் நினைவு கூர்வான்.

7 மணிக்கு கதர்ஸ்டோர் (காதி வஸ்திராலயம்) போய்விட்டு வரும் பாலசுப்பிரமணியம் இரவு வரையில் ரமேசுடன் தான் இருப்பார். அவன் சப்தம் போட்டு படிப்பதில்லை. ஆனாலும் உடனிருந்து கடந்த 30 நாட்களாய் அதை படித்தாயா... இதை படித்தாயா என்று கேட்டுக்கொண்டிருப்பார்.

பள்ளியில் முதல்மாணவனாய் இருந்த ரமேஷூக்கு 10ம் வகுப்புக்கு பிறகு நடந்த சம்பவங்கள் தான் திருப்பு முனையாக அமைந்தது. இதைப்பற்றியெல்லாம் நாளை சொல்கிறேன்.

1183 மதிப்பெண்கள் பெற்று முதலிடம் பெற்ற மாணவர்

தென்காசி பாரத் மாண்டீúஸôரி மேல்நிலைப்பள்ளி மாணவர் ரமேஷ்

உன்னை நெல்லைத்தமிழ் இணையமும் வாழ்த்துகிறது.
புகைப்படங்கள் மற்றும் பிற செய்திகள் விரைவில் இணைக்கப்படும்.

பிறந்தநாள் இன்று பிறந்தநாள்

பிறந்தநாள் இன்று பிறந்தநாள்

பரிசல்காரன்

ரசிப்போர் விழி தேடி...

ஒரு பொறியாளரும்... தத்துவஞானியும்... ஆற்றைக்கடக்க பரிசலில் போனார்கள்...

பரிசல் புறப்பட்டபோதே... பொறியாளர் பரிசல்காரனிடம் கேட்டார்...

"அதோ தெரிகிறதே அந்த அணையை யார் கட்டியது தெரியுமா..."


தெரியாது ஐயா - இது பரிசல்

"சரி விடுப்பா, அந்த அணையோட உயரம் தெரியுமா...."

பரிசலிடம் இருந்து மெளனம்.

கொஞ்சதூரம் சென்றிருப்பார்கள்...

தத்துவஞானி கேட்டார்...

"சாக்ரடீசை தெரியுமாப்பா"

தெரியாது ஐயா என்றான் பரிசல்..

அவர் எழுதின புத்தகம் ஏதாச்சும் படிச்சிருக்கியா...

இல்லை என்றான் பரிசல்..

பொறியாளரும் தத்துவஞானியும் தங்கள் அறிவுசார் கேள்விகளை கேட்டுக்கொண்டிருக்க,

பரிசல்காரன் ஒரே கேள்வி தான் கேட்டான்...

உங்களுக்கு நீந்த தெரியுமா... என்று...

தெரியாது என்று இருவரும் சொல்ல..

இப்போது படகில் ஓட்டை விழுந்து விட்டது. இருவரும் முடிந்தால் தப்பித்துக்கொள்ளுங்கள் என்றான் பரிசல்காரன்.

பதிவுலகில் எத்தனையோ அறிவுஜீவிகளுக்கு பரிசல்காரனாய் தெரிந்தவருக்கு இன்று பிறந்தநாள்.
பதிவுலகில் நீந்த தெரிந்ததோடு பலரை கரைசேர்த்த பெருமையும் இவருக்குண்டு. இவரது எழத்து திறன் பார்த்து நான் பலமுறை வியந்திருக்கிறேன்.

இதுவரையில் சுமார் 292 பதிவுகளை பதியம் செய்துள்ள இவர் கடந்த 2008ம் ஆண்டில் எழுத துவங்கினார்.

2 லட்சம் ஹிட்ஸ்களை விரைவில் தொடப்போகும் பதிவர்களில் இவரும் ஒருவர். அவள் விகடன் மற்றும் ஜூனியர் விகனில் எழுதியுள்ள இவரின் சிறுகதை விரைவில் ஆனந்த விகடனிலும் வரப்போகிறது.

இவருக்கு இன்று பிறந்த நாள்...

நெல்லைத்தமிழ் இணையத்தின் ஆசிரியர் குழு மற்றும் சகபதிவர்கள் சார்பில் பரிசல்காரனுக்கு மனப்பூர்வமான வாழ்த்துக்களை பகிர்ந்து கொள்றோம்.

பரிசல்காரனின் சுயவிபரம்

Krishna Kumar K.B.

திருப்பூர், தமிழ்நாடு, India

நானெழுதுவது உங்களுக்குப் பிடிக்கவேண்டுமென நினைப்பதில்லை.. ஆனால் கண்டிப்பாய் படிக்கவேண்டுமென நினைப்பேன்! (ஏதாவது புரிஞ்சுதா?)

பரிசல்காரனின் முழுசுயவிபரம் இங்கே

பரிசல்காரனின் பழைய கவிதை

என்னிடம் பிடிக்காதது
ஏதுமிருந்தால் சொல்லுங்கள்’ என்கிறாய்.
பிடிக்காதது ஒன்றுமில்லாததாய்
நீ இருப்பதால்தானே
உன்னையே பிடித்தது!

இருந்தாலும்-
உன்னிடம் ‘பிடிக்கவில்லை’
என்று சொல்ல ஒன்றுண்டு.
இன்னும் நான் உன்னைக்
கட்டிப்
"பிடிக்கவில்லை!"
--------------------------------------
நான் வருத்தப்படும்போதெல்லாம்
நீ கோபப்படுகிறாய்..
நீ கோபப்படும்போதெல்லாம்
நான் வருத்தப்படுகிறேன்..
இதனால்தான் அன்பே..
நம்மை நெருங்க இயலாமல்
வருத்தங்கள் வருத்தப்படுகின்றன..
கோபங்கள் கோபப்படுகின்றன.
--------------------------------------
என் சந்தோஷங்களின் போதெல்லாம்
நீ பக்கத்திலேயே இருக்க வேண்டும்
என்று நினைப்பேன்..
ஆனாலுமென்ன
நீ பக்கத்தில் இருக்கையிலெல்லாம்
நான் சந்தோஷமாய்த்தான்
இருக்கிறேன்.
-------------------------------------
கேட்டுக்கொண்டேயிருக்கிறாய்..
‘பண்டிகைக்குப் பரிசாய்
என்ன வேண்டும்’ என்று
என்ன தந்துவிடமுடியும் உன்னால்
ஏற்கனவே தந்த
உன் இதயத்தைவிட சிறந்ததாய்?
------------------------------------
பார்க்கப் பார்க்க சலிக்காதது
எதுவென்று கேட்டால்
கடல், ரயில்,யானை என்று
பலரும் பலதும் சொல்கிறார்கள்..
எவனும்
அவனவன் காதலியை
சரிவரப் பார்த்ததில்லை போலிருக்கிறது!
------------------------------------
எத்தனையோ பெண்கள்
காதலித்து
மனிதனை கவிஞனாக்கியதுண்டு.
ஆனால்-
ஏற்கனவே கவிஞனான என்னை
மனிதனாகவும் ஆக்கியவள்-நீ!
------------------------------------------------------

என்றும் அன்புடன்
வால்பையன்
ஆசிரியர் குழு.
நெல்லைத்தமிழ் இணையம்

நன்றி... நன்றி... நன்றி...

நெல்லைத்தமிழ் இணையம் திரட்டியாக மாற்றப்பட்ட பின் சுமார் 200 தமிழ் வலைப்பதிவர்கள் தங்களை இதில் இணைத்துக்கொண்டுள்ளனர். குருகிய காலத்தில் அதாவது சுமார் 2 மாதங்களுக்குள் நெல்லைத்தமிழ் திரட்டியில் பதிவர்களின் பங்களிப்பு மற்றும் இணைய பார்வையாளர்களின் வருகை ஆகியவை எங்களை வியப்பில் ஆழ்த்துகிறது. இணைய பார்வையாளர்களின் வருகை ஒருபுறம் இருந்தாலும் இத்தனை வெற்றிக்கும் முக்கிய காரணமாக அமைந்தது நீங்கள் தான்.

இந்த நேரத்தில் நெல்லைத்தமிழ் இணையத்தின் மீது பற்றுதலுடன் தங்களது பதிவுகளை இணைக்கும் பதிவர்கள், இனி இதில் இணையப்போகும் பதிவர்கள் ஆகிய அனைவருக்கும் எங்களது நன்றிகள்....

இதற்கு முக்கிய காரணம்...
நெல்லைத்தமிழின் மூன்றாவது ஆண்டு துவக்கம் இது...

சித்திரையில் துவங்கிய நெல்லைத்தமிழ் ஆரம்ப காலத்தில் திருநெல்வேலி மாவட்ட தகவல்களை மட்டுமே உள்ளடக்கிய தளமாக வெளிவந்தது...

அதன்பின்பு பல்வேறு செய்திகள், சினிமா தகவல்கள் போன்றவற்றுடன் பல்வேறு செய்திகளை தாங்கி வந்தது. நெல்லைத்தமிழின் அடுத்த கட்டமாக தற்போது புக்மார்க் தகவல்களை உள்ளடக்கும் விதமாக இது திரட்டி போன்று செயல்படுகிறது.

கடந்த காலங்களின் எங்களின் வளர்ச்சிக்கு வழி அமைத்து கொடுத்த பதிவர்கள், தமிழ்மணம் தமிழிஷ் போன்ற திரட்டிகளுக்கும் எங்களின் நன்றிகள்...

கடந்த 2 ஆண்டுகளில் எங்களின் ஏற்ற தாழ்வுகளில் பங்கெடுத்துக்கொண்ட பதிவர்கள்... நண்பர்கள், இணைய பார்வையாளர்கள் என அனைவருக்கும் நன்றி.

இலங்கைக்கு ஆயுத உதவியா.. கோவையில் ராணுவ வாகனங்கள் தீக்கிரை

கோவை அருகே, நீலாம்பூர் என்ற இடத்தில் பெங்களூரிலிருந்து கொச்சிக்குச் சென்றுகொண்டிருந்த 5 ராணுவ வாகனங்களைப் பிடித்து அவற்றிலிருந்த ஆயுதங்களைச் சிலர் தீயிட்டுக் கொளுத்தினர். இதனால் அப்பகுதியில் பரபரப்பு நிலவுகிறது.

இந்த ஆயுதங்கள் இலங்கை ராணுவத்தினருக்காக எடுத்துச் செல்லப் படுவதாகக் கூறி தமிழ் ஈழ ஆதரவாளர்கள் சிலர் இச்செயலைச் செய்துள்ளதாக முதல் கட்டத் தகவல்கள் தெரிவிக்கின்றன

மீண்டும் பாட வருகிறார் டிஎம்எஸ்

இசைக்கு வயதில்லை; தொடர்ந்து திரைப்படங்களில் பாடுவேன் என்று பழம்பெரும் பின்னணிப் பாடகர் டி.எம்.செüந்தர்ராஜன் கூறினார்.

எம்.ஜி.ஆர். நடித்த "உலகம் சுற்றும் வாலிபன்' படத்தின் கதையைத் தழுவி "வாலிபன் சுற்றும் உலகம்' என்ற படம் உருவாக்கப்பட்டுள்ளது. எம்.ஜி.ஆர்.சிவா, மீனாட்சி, லதா, மனோரமா உள்ளிட்ட பலர் நடிக்கும் இந்தப் படத்தைத் தயாரித்து இயக்கியிருப்பவர் ஏ.ஆர்.லலிதசாமி.

எம்.ஜி.ஆர். படங்களில் இடம்பெற்ற கருத்தாழம் மிக்க பாடல்களைப் போலவே இந்தப் படத்திலும் பாடல்கள் அமைக்கப்பட்டுள்ளன. எம்.எஸ்.விஸ்வநாதன் இசையமைக்கும் இந்தப் படத்தில் வாலி, காமகோடியன் ஆகியோர் பாடல்கள் எழுதியுள்ளனர். நீண்ட இடைவெளிக்குப் பிறகு இந்தப் படத்தில் டி.எம்.செüந்தர்ராஜனும் பி.சுசீலாவும் இணைந்து பாடல்களைப் பாடியுள்ளனர்.

படத்தின் பாடல் வெளியீட்டு விழா அண்மையில் சென்னையில் நடைபெற்றது. விழாவில் டி.எம்.செüந்தர்ராஜன் பேசியதாவது:

எம்.எஸ்.விஸ்வநாதன் இசையில் என் முதல் பாடலைப் பாடியபோது எனக்கு வயது 24. அதன்பிறகு அவருடைய இசையில் ஆயிரத்துக்கும் மேற்பட்ட பாடல்களைப் பாடியுள்ளேன். தற்போது நீண்ட இடைவெளிக்குப் பிறகு மீண்டும் அவருடைய இசையில் பாடியிருக்கிறேன். என்னுடன் இணைந்து சுசீலாவும் பாடியுள்ளார்.

இந்தப் படத்துக்குப் பிறகு நாங்கள் இருவரும் இணைந்து பாட பல வாய்ப்புகள் வருகின்றன. இசை ஆல்பம் ஒன்றில் பாடுவதற்கு ஏ.ஆர்.ரஹ்மான் அழைத்திருக்கிறார். இசைக்கு வயதில்லை; தொடர்ந்து பாடுவேன் என்றார்.

நான் உங்களில் ஒருவன்.

நான் உங்களில் ஒருவனாகவே இருக்க விரும்புகிறேன். இணையம் நடத்தினால் இவர் தான் நடத்துகிறார் என்று காட்டிக்கொள்ளாமலேயே சிலர் இருக்கலாம். அந்த கருத்தை நான் ஏற்றுக்கொள்ளவில்லை.

இணையமும் நண்பர்களையும் நான் ஒன்றாக பார்க்க விரும்பவில்லை. ஆனாலும் ஏனோ தெரியவில்லை எனக்கு நண்பர்கள் கொஞ்சம் குறைவு தான். அப்படியே இருக்கும் நண்பர்களுக்கும் பிளாக் எழுதுவது தெரியாது. விட்டால் மெயில் பார்ப்பார்கள்.... பதில் போடுவார்கள் அவ்வளவு தான். ஆனாலும் இணையத்தின் வாயிலாக சிலரை பகைத்துக்கொண்ட அனுபவம் எனக்கிருக்கிறது.

இணைய அரசியல் தெரியாத காலகட்டத்தில் புதிய பதிவர்கள் என்று எனது வருத்தத்தை வெளிப்படுத்தியது தான் தாமதம். நான் இந்த பதிவர் களத்தில் இருந்தே தூக்கி வீசப்பட்டதாகவே கருதுகிறேன்.

ஆனாலும் சிலர் என் பதிவுகளில் ஆபாசம் இருப்பதாக சுட்டிக்காட்டிய வேளைகளில் தவறுகளை திருத்திக்கொண்டேன். ஆபாசம் என்ற வார்த்தை சினிமா என்கிற வேலிக்குள் ஒளிந்து கிடக்கிறது என்பது சிலரின் அபிப்பிராயமாக இருந்தது.

"என்ன சார் சினிமா பதிவுகளை காப்பி பேஸ்ட் செய்றீங்க... இதுக்கு நூறு பேர் இருக்காங்க... உங்க திறமை என்னவோ அதை காட்டுங்க... அதை விட்டுட்டு இதென்ன கோமாளித்தனம்... என்று நேரடியாக கேட்டவர்கள் நிறைய பேர். ஆனாலும் சிலர் சில வக்கரமான தலைப்புக்களை சுட்டிக்காட்டினர். இதில் குறிப்பாக கிரி... வால்பையன் உள்ளிட்டவர்களும் தமிழ் 2000 என்ற தலைப்பில் எழுதியவரும் அடக்கம்.

இந்த பாதிப்புகளுக்கு பிறகு சரிவர இணைய பக்கங்களை பார்ப்பதோடு சரி... இனி எழுத வேண்டாம் என்றே முடிவெடுத்திருந்தேன். குறிப்பாக தமிழ்மணம்... தமிழிஷ் உள்ளிட்ட தளங்களில் இணைப்பதும் இல்லை.

இப்போது நான் மீண்டும் எழுதுவது கொஞ்சம் ஆரோக்கியமான விஷயங்களாக இருக்கட்டும் என்ற நோக்கத்தில் தான் இந்த பயணத்தை தொடங்குகிறேன். அதைத்தவிர்த்து, நெல்லைத்தமிழ் இணையத்தை நடத்திக்கொண்டு நான் எழுதுவதால் எந்த பாதிப்பும் வந்துவிட போவதில்லை. என் மோசமான எழுத்துக்களை கூட இது நாள் வரையில் எத்தனையோ பேர் படித்திருக்கிறார்கள்.

இப்போது உருப்படியாய் எழுதலாம் என நினைக்கிறேன். உங்களில் ஒருவனாக என்னை ஏற்றுக்கொள்வீர்கள் என்ற நம்பிக்கையோடு...


மோகன்
நெல்லைத்தமிழ் இணையம்
திருநெல்வேலி.

வால்பையனின் பதிவும் இந்த படமும்

பந்த் என்ன நடந்தது என்பது தொடர்பாக வால்பையன் ஒரு பதிவு போட்டிருந்தார். இந்த படம் பந்த் தொடர்பாக கட்சி தொண்டர் ஒருவர் ஈழத்தமிழருக்காக தனது முடியை காணிக்கையாக்கி இருக்கிறார் (சும்மா டமாசு)

அவரது பிரத்யோக படம் இது...

என்ன கொடுமை சார்? சென்னை அணியில் ஒரே தமிழன்

என்ன கொடுமை சார்? என்று நீங்கள் கேட்பது புரிகிறது. ஆனாலும் IPL எனப்படும் இந்தியன் பிரிமியர் லீக் போட்டிகள் இன்று கோலாகலமாக துவங்கியது. ஆனால் முழுக்க முழுக்க பணத்தை மையமாக வைத்து மக்களை ஏமாற்றப்போகும் இந்த கிரிக்கெட் விளையாட்டுக்கு மொழி அடைப்படையிலான உணர்வுகளை தூண்டும் ஒரு நிலை இருக்கிறது. குறிப்பாக சென்னை அணியை தமிழன் தலையில் தூக்கி வைத்துக்கொண்டு கொண்டாடும் நிலை இருக்கிறது.

ஆனால்...
தமிழன் ஒரு உண்மையை புரிந்து கொள்ள வேண்டும். சென்னை அணியை பொறுத்தவரையில் எத்தனை தமிழன் விளையாடுகிறான் என்பதை நீங்கள் புரிந்து கொள்ளவேண்டும். அணியில் விளையாடும் ஒரே தமிழன் பத்ரிநாத் மட்டும் தான். மற்றவர்கள் அத்தனை பேரும் இந்தியாவின் பிற மாநிலங்களையோ, வேறு நாடுகளையோ சேர்ந்தவர்கள்.

இப்படி இருக்கும் போது சென்னை என்ற பெயரை இவர்கள் உபயோகிப்பதன் நோக்கம்... இன உணர்வுகளை தூண்டி கிரிக்கெட் மூலம் குளிர் காயத்தான். இது போன்ற ஐபிஎல் மூலம் உள்ளூர் வீரர்களின் திறமையை வெளிக்கொண்டு வர முடியும் என்று ஏதோ ஒரு ஆங்கில பேட்டியில் லலித் மோடி சொன்னதாக எனக்கு நியாபகம் இருக்கிறது.

ஒரே ஒரு வீரர் மட்டும் இதில் விளையாடுவதால் தமிழக கிரிக்கெட் அணி உலக அளவில் எவ்வளவு புகழ் பெற போகிறதோ தெரியவில்லை.

இந்தியாவின் அரசியலை போல... கிரிக்கெட் பெரிய அளவிலான பிசினஸ் என்பதை தமிழன் தெரிந்து கொண்டால் ஐபிஎல் போட்டிகளை வெறி பிடித்தவனை போல பார்க்கமாட்டான்.

விருதுநகரில் கார்த்திக்.... - வைகோவை தோற்கடிக்க திமுக தீவிரம் !

சரத்குமார், டாக்டர் கிருஷ்ணசாமி ஆகியோருடன் கைகோர்த்து புதுக்கூட்டணியில் இடம் பிடித்திருக்கிறார் நடிகர் கார்த்திக். அவர் விருதுநகர் தொகுதியில் களமிறங்கப் போவது கிட்டதட்ட உறுதியாகிவிட்ட நிலையில்,''வைகோவுக்கு ஆதரவான முக்குலத்தோர் ஓட்டுக்களைப் பிரிப்பதற்காகவே கார்த்திக்கைத் துருப்புச் சீட்டாக விருதுநகரில் இறக்குகிறது திமுக !'' என்று போட்டு உடைக்கிறார்கள் ஃபார்வர்டு பிளாக்கிலுள்ள கார்த்திக்கின் முன்னாள் தோழர்கள். அவர்களிடம் பேசினோம்.

'' கார்த்திக் அரசியலில் அடியெடுத்து வைத்ததிலிருந்து பார்த்தீர்களானால்.. அவருடைய நடவடிக்கைகள் அனைத்தும் திமுகவுக்குச் சாதகமானதாக இருக்கும். அதேபோல்தான் இம்முறையும் திமுகவிடம் சரண்டர் ஆகியிருக்கிறார். இந்தத் தேர்தலோடு வைகோவுக்கு முடிவுரை எழுதத் தீர்மானித்துவிட்ட திமுக, அவருடைய கட்சியிலிருந்து தொடர்ந்து நிர்மூலமாக்கும் வேலைகளைச் செய்துக் கொண்டிருக்கிறது. அந்த சங்கடங்களையெல்லாம் சமாளித்து தனக்குத் தேவையான நான்கு ஸீட்களை அதிமுகவிடம் ஏகத்துக்கும் போராடிப் பெற்றிருக்கிறார் வைகோ. ஆனால், ''இந்த நான்கில் ஒரு இடத்தில் கூட மதிமுக ஜெயிக்கக் கூடாது'' என்று தன் கட்சியின் அந்தந்த மாவட்டப் பொறுப்பாளர்களுக்கு கருணாநிதி பகிரங்கமாகவே உத்தரவு போட்டிருப்பதாகச் சொல்கிறார்கள். குறிப்பாக வைகோவைத் தோற்கடிக்க அமைச்சர்கள் கே.கே.எஸ்.எஸ்.ஆர்.ராமச்சந்திரனுக்கும், தங்கம் தென்னரசுக்கும் ஸ்பெஷல் அசைன்மென்ட்டே கொடுக்கப்பட்டிருக்கிறதாம். அதேநேரம் ஸ்டார் வேட்பாளரான வைகோவைத் தோற்கடிப்பது அவ்வளவு எளிதான காரியமில்லை என்று தெரிந்துதான் கார்த்திக்கை கொம்பு சீவுகிறார்கள்.

கார்த்திக்கின் ''சரணாலயம்'' அமைப்புக்கு விருதுநகர் மாவட்டத்தில் நல்ல செல்வாக்கு இருக்கிறது. அதைப்பார்த்துவிட்டுத்தான் அவர் அரசியலுக்கே வருகிறார். அங்கே அவரை ஆதரிக்கிற முக்குலத்தோரில் பெருவாரியானவர்கள் என்பது கணிப்பு. தேமுதிக வேட்பாளரான ''மாஃபா'' பாண்டியராஜன், நாடார் இனத்தவராக இருப்பதால், காங்கிரஸ் கூட்டணிக்கு வரவேண்டிய நாடார் ஓட்டுக்களையும், வைகோவுக்கு விழ வேண்டிய நாயுடு இனத்தவரின் ஓட்டுக்களையும் கணிசமாகப் பிரித்து விடுவார். விருதுநகரில் கார்த்திக் நின்றால், முக்குலத்தோரின் ஓட்டுக்களையும் வைகோவுக்குப் போகவிடாமல் தடுத்து, அவரை ''ஓட்டாண்டி''ஆக்கலாம் என்பதுதான் திமுகவின் கணக்கு. இது சம்பந்தமாக திமுக தரப்பிலிருந்து கார்த்திக்கு தூது விட்டிருக்கிறார்கள். கடந்த இருபது நாட்களுக்கு முன்பு இது விஷயமாகப் பேசுவதற்கு கோபாலபுரத்துக்குப் புறப்பட்டிருக்கிறார் கார்த்திக். ஆனால், இது மீடியாக்களுக்குத் தெரிந்தால் சிக்கலாகி விடும் என்பதால், கட்சியின் ஒரு முக்கியப் பிரமுகரின் பெயரைக் குறிப்பிட்டு, ''அவரைப்போய் பாருங்கள். தேவையானதைச் செய்து கொடுப்பார்கள்...'' என்று அட்வைஸ் கொடுத்திருக்கிறார்கள். இதன்பிறகு கார்த்திக் விருதுநகரில் களமிறங்குவது வேகப்படுத்தப்பட்டிருக்கிறது..'' என்றவர்கள்.

''எப்படி பார்த்தாலும் விருதுநகர் தொகுதியில் கார்த்திக்கால் அறுபதிலிருந்து எழுபதாயிரம் ஓட்டுக்களையாவது பிரிக்க முடியும் என்பதால், வைகோவின் வெற்றி அவ்வளவு சுலபமானதல்ல...''என்கிறார்கள். கார்த்திக் விசுவாசிகளைக் கேட்டால்,''எங்கள் தலைவர் தேர்தலில் நின்றால் வெற்றி பெறுவது என்ற இலக்கோடுதான் நிற்பாரே ஒழிய, திமுகவின் கைப்பாவையாக எல்லாம் களத்தில் இறங்கி இமேஜை (?) கெடுத்துக் கொள்ள மாட்டார் !'' என்கிறார்கள்.

சரியாப்போச்சு !

நன்றி
ஜுனியர் விகடன்

இது சுதந்திரமா

கண்களை
மூடும் போதெல்லாம்
கனவுகள்
விழித்துக்கொள்கிறது


இதயத்தின்
ஜன்னல்
திறந்திருந்தும்
காற்று வரவில்லை


சிந்தனைகள்
சிறைபட்டும் கூட
உன் நினைவுகள்
சுற்றி வருகிறது


நடைபிணமானலும்
காதல் மட்டும்
சுதந்திரமாய்
என்னை தழுவுகிறது

சாதிக்கட்சிகள் ஆரம்பிப்பவர்களே திருந்த மாட்டீர்களா?

தமிழகத்தில் சாதிக்கட்சிகள் எத்தனை துவங்கினாலும் கூட மக்களின் பார்வை என்னவே வைட்டமின் "ப" மிகுதியாக இருக்கும் கட்சிகள் மத்தியில் தான் இருக்கும். தமிழக ஜனநாயகம் கேலிக்கூத்தாய், நடிகர்கள்... ஜாதிய தலைவர்கள் பின்னால் போய் கொண்டிருப்பதை மாற்றமுடியாத அவலம் நீடிக்கத்தான் செய்கிறது.

ஜாதி கட்சி அரசியல் என்பது பதவி சுகத்திற்கானது இல்லை என்ற போதிலும் தனிப்பட்ட ஜாதிய தலைவர்களின் பின்புலத்திற்கு நிச்சயமாய் பயன்படத்தான் செய்கிறது. கடந்த சில ஆண்டுகளுக்கு முன்பு முதலியார் என்ற அனைத்து வகுப்பினரையும் ஒன்று திரட்டி ஆரம்பிக்கப்பட்ட புதிய நீதிக்கட்சி இப்போது இருக்கிறதா என்ற தெரியவில்லை. ஆனால் இதன் மூலம் பிரபலமான அதன் தலைவர் ஏசி சண்முகம் நல்ல முறையில் செட்டில் ஆகி இருக்கிறார்.

இதே போல தமிழ்நாடு வன்னியர் சங்கங்களின் பேரவையில் இருந்து தான் பாட்டாளி மக்கள் கட்சி உருவாகியது. இக்கட்சி புதுச்சேரி, வடஆற்காடு, தென்னாற்காடு உள்ளிட்ட பல மாவட்டங்களில் மக்கள் மனதில் இடம் பிடித்திருக்கிறது. ஆனாலும் பாட்டாளி மக்கள் கட்சியை பொறுத்தவரையில் தென்மாவட்டங்களில் வன்னிய சமுதாய கட்சியாகவே மக்கள் பார்க்கிறார்கள். இதன் பல தலைவர்கள் இன்று தனிப்பெறும்பான்மையோடு ஆட்சிக்கு வரமுடியாவிட்டாலும், தங்களின் பேக்ரவுண்டை நன்றாகவே பெருக்கிக்கொண்டார்கள்.

நாடார் சமுதாயத்தை சேர்ந்த ஒரு சில சங்கங்களை இணைத்து நடிகர் சரத்குமார் உருவாக்கிய சமத்துவ மக்கள் கட்சிக்கு எத்தனை நாடார்கள் வாக்களிப்பார்கள் என்று தெரியவில்லை. ஆனால் நாடார் சமுதாய மக்களை தன் கூட்டத்திற்காக திரட்டுகிறார் சரத்குமார். இவர் கட்சி சார்பில் போட்டியிட்டவர் சமீபத்தில் திருமங்கலத்தில் நடந்த இடைத்தேர்தலில் 500 வாக்குகள் கூட பெற முடியவில்லை. இதே போன்று யாதவர்களுக்காக கட்சி துவங்கிய கண்ணப்பன் கதை என்ன ஆனது என்றே தெரியவில்லை.

நடிகர் கார்த்திக் ஜாதிய அரசியலை நம்பி களத்தில் குதித்து பல லட்சங்களை இழந்தார் என்பது தேவர் சமுதாயத்தில் உள்ள அவரது நண்பர்களுக்கு தெரியும். இன்றும் கூட ஜாதிக்காக ஒரு கட்சியை துவங்கி அதில் தென்மாவட்டத்தை சேர்ந்த எனதருமை நண்பர் எஸ்.ஜே.சூர்யாவை பலிகடாவாக்க ஒரு கூட்டம் துடித்துக்கொண்டு தான் இருக்கிறது.

ஜாதிய ரீதியில் சென்ற இயக்கங்கள் இப்போது... இந்த பாதை தவறானது என ஜனநாயகத்திற்கு திரும்புகின்றன. உதாரணமாக சொல்வதென்றால் திருமாவின் விடுதலை சிறுத்தைகள், பாமகவில் இப்போது குறிப்பிட்ட சமுதாயத்தினரை விட மற்றவர்களுக்கு முன்னுரிமை அடிப்படையில் பதவிகள் வழங்கப்படுகின்றன. நீங்கள் தென்மாவட்டக்காரராக இருந்தால் இந்த கட்சிகளில் நீங்களும் கூட பதவி வாங்க முடியும்.

நிலைமை இப்படி இருக்க ஜாதிய ரீதியில் இன்றளவும் கட்சிகள் தோன்றுவது வாடிக்கையாகி விட்டது. நேற்றைக்கு கொங்கு வேளாளர் சமுதாயத்தில் இருந்து ஒரு கட்சி உதயமாகியுள்ளது. இதே போன்று நாளையும் பல கட்சிகள் உருவாகலாம். ஆனால் ஒன்று மட்டும் புரிகிறது. சிலர் தனது சொத்துக்களை பாதுகாக்க ஜாதிய கட்சிகளை துவக்குகிறார்கள். அல்லது முதல்வர், அமைச்சர் கனவோடு துவக்குகிறார்கள். இதில் முன்னவர்கள் ஜெயிக்கிறார்கள். பின்னவர்கள் முதல் இழந்து ஓடுகிறார்கள். கொங்கு வேளாளர்கள் எப்படியோ தெரியவில்லை.

என் பார்வையில் அகதிகள்...

அகதி என்ற சொல்லை விட புலம்பெயர்ந்தவர்கள் என்ற வார்த்தைதான் சரியான பதம் என்று எனக்கு தோன்றுகிறது.

அகதி என்பது தான் இன்றளவும் அரசாங்கத்தால் இவர்களுக்கு வழங்கப்படும் முத்திரை. தமிழகத்தை பொறுத்தவரையில் 117 அகதிகள் முகாம்களில் சுமார் 77 ஆயிரத்திற்கும் மேற்பட்ட புலம்பெயர்ந்த எம் தமிழ்மக்கள் வாழ்ந்து வருகின்றனர். உலக வரலாற்றிலேயே இவ்வளவு அதிகமான மக்கள் நீண்டகாலம் தன் சொந்த நாட்டுக்கு திரும்பாத நிலை இலங்கை அகதிக்கு மட்டுமே உண்டு.

அகதிகள் மற்றும் சட்டவிரோத குடியேற்றங்களின் மூலம் இந்தியாவிற்கு (India) பல நாடுகளில் இருந்து வருகின்றனர். குறிப்பாக இலங்கையை தவிர்த்து மியான்மர், வங்கதேசம் உள்ளிட்ட நாடுகளில் இருந்த சட்டவிரோதமாக குடியேறுபவர்கள் குறிப்பிட்ட எண்ணிக்கையில் இருந்தாலும் இவர்களை இந்திய அரசு கண்ணியம் தவறாமல் நடத்துகிறது.

ஆனால் இலங்கையை (srilanka) பொறுத்தவரையில் தமிழ்மக்கள் இந்திய குடியுறிமையும் இல்லாமல் இலங்கை குடியுரிமையும் இன்றி தவித்த காலகட்டங்கள் உண்டு. வாக்களிக்க அதிகாரமின்றி வாழ்ந்த மலையக தமிழர்கள் பலர் இந்தியாவிற்கு திருப்பி அனுப்பி வைக்கப்பட்டனர். இவர்களை தனது மக்களாக பாவிக்காமல் இலங்கை அகதிகள் என்றே இனம்காட்டியது இந்திய அரசு. இவர்களுக்காக திருச்சி உள்ளிட்ட பல இடங்களில் அகதிகள் முகாம்களை அமைத்தும் கொடுத்தது.

தமிழகத்தில் (Tamilnadu) உள்ள பொரும்பாலான அகதிகள் முகாம்கள் சில காலம் வரையில் சரியான மின்வசதி, அடிப்படை வசதிகள் இல்லாமையால் சேரி போன்றே தோற்றமளித்தன. எனக்கு விபரம் தெரிந்த நாட்களில் அப்பாவி இலங்கை தமிழர்களுக்காக உபயோகப்படுத்தப்பட்ட ஆடைகளை தமிழக மக்களிடம் இருந்து பெற்று அகதி முகாம்களில் உள்ள தமிழ்மக்களிடம் வழங்கிய தன்னார்வு அமைப்புக்களை பார்த்திருக்கிறேன்.

அகதி முகாம்களின் மீது தமிழக போலீசாருக்கு (Police) எப்போதுமே ஒரு சந்தேக கண் இருந்து வருகிறது. பல திருட்டு வழக்குகளுக்காக அப்பாவி தமிழர்களை பொலிசார் சித்திரவதை செய்திருப்பதை கண்ணால் பார்த்திருக்கிறேன். அகதி தானே... இவண் மேல 307 பார்ட் 2 கேச போடுய்யா... என்று என் கண்முன்னால் கதைத்த போலீஸ் அதிகாரிகளும் உண்டு.

அகதி என்ற காரணத்திற்காக பூர்வீக நாட்டில் எந்த உரிமையையும் கேட்க முடியாத அவலம் இந்தியர்களுக்கு மட்டுமே உண்டு. அடிமாடுகளை போன்று இந்திய இலங்கை அரசுகளுக்கு இடையில் சிக்கித்தவிக்கும் இவர்களின் நிலை என்று தான் மாற போகிறதோ... இந்த சாபத்தை நீக்க எந்த ராமன் வரப்போகிறானோ

அடல்ஸ் ஒன்லி படமா இது...

• 
• எல்லாத்தையும் அவிழ்த்துவிட்டீர்கள்...
• அம்மணமாய் கடற்கரை வரைக்கும் வந்துட்டேன்...
• இனி இழப்பதற்கென்று எதுவுமில்லை...
• என் அழுகையின் குரல் யார் காதிலும் விழவில்லை..
• என்ன செய்வது?
• இங்கே பிரங்கிகளின் சத்தத்திலும் செல்களின் தாக்குதல்களிலும்
• என் குரல் உங்களுக்கு கேட்கவா போகிறது?
• என்னதான் நீங்கள் கிழித்தாலும்...
• ஒரு ம....ரையும் புடுங்க முடியாது...
• கடலில் தள்ளினால் கட்டுமரமாகும் அரசியல்வாதியல்ல நாங்கள்...
• உங்களை சின்னாபின்னமாக்க போகும் சூறாவளி...
  

உப்புமா இலங்கை அணியும்... ஒண்டிவீரன் யுவராசும்

இலங்கை அணியின் ஆட்டம் கடந்த சில மாதங்களாகவே உப்புச்சப்பின்றி இருக்கிறது என்பது அனைவரும் அறிந்த உண்மை. இந்த சூழலை சரியாக பயன்படுத்த தெரிந்தவர்கள் இந்திய அணியினர் மட்டுமே. இலங்கை கிரிக்கெட் வீரர்கள் ஏதோ தான் தான் வவுனியாவிற்கும் முல்லைத்தீவிற்கும் போய் சண்டை போட்டு ஜெயித்ததை போன்று பாக் மற்றும் வங்கதேச அணிகளை வென்ற மமதையில் இருந்தார்கள். ஆனால் உண்மையில் இவர்கள் வங்கதேசத்திலும், பாகிஸ்தானிலும் விளையாடியதை பார்க்கும் போது ஏதோ தெருவோரு கிரிக்கெட்டில் சிறுபிள்ளைகள் விளையாடியதை போலத்தான் இருந்தது. வங்க தேசத்திடம் பைனலில் உதை வாங்கியிருக்க வேண்டியவர்கள்... முரளியின் தயவால் தப்பினார்கள்.

இப்போது மொத்தமாய் சேர்த்து இந்திய அணியிடம் உதை வாங்குகிறார்கள். முரளி, மெண்டிஸ் உட்பட மாயஜால பந்து வீச்சாளர்களை கங்கனம் கட்டி

இலங்கை பிரச்சனை இன்னுயிர் கொடுத்த அக்கினிகுஞ்சு

இலங்கை பிரச்சனை தொடர்பாக தமிழக அளவில் எந்தவித உயிரோட்டமான முயற்சிகளையும் அரசு எடுக்க முடியாமல் தவித்துவருகிறது. இந்நிலையில் முல்லைத்தீவில் 2 லட்சத்திற்கும் அதிகமான அப்பாவி தமிழர்கள் செத்துமடிவது தொடர்கதையாகியுள்ளது. பசியிலும், பட்டினியிலும், படையினரின் கொலைவெறித்தாக்குதல்களிலும் தமிழன் செத்துக்கொண்டிருக்க இங்கே வெந்ததை தின்று விதிவந்தால் சாவோம்... என்று தமிழனம் வேடிக்கை பார்க்க வேண்டிய ஒரு துர்பாக்கிய நிலை.

ஒரு புறம் அரசியல்கட்சிகள் தங்களுக்குள் ஒற்றுமையின்றி தமிழனத்தை காக்க கொடுக்கும் குரல் இந்திய அரசின் கொல்லைப்புற வாசல்கதவைக்கூட திறக்காது என்பது எல்லா தமிழர்களுக்கும் தெரிந்த உண்மையாகிவிட்டது. பாரதி சொன்னது போல அக்கினி குஞ்சொன்று கண்டேன்... அதை ஆங்கோர் காட்டில் பொந்திடை வைத்து.... வெந்து தணிந்தது காடு... தழல் வீரத்திற்கும் உண்டோ...குஞ்சென்றும் மூப்பென்றும்... என்று சொன்னதை போல தூத்துக்குடியை சேர்ந்த குமரன் என்ற பத்திரிகையாளன் சென்னையில் தீக்குளித்துள்ளார்.

இந்த பொறி... தமிழின உணர்வுள்ளவர்களின் அத்தனை பேருக்குள்ளும் இருக்கத்தான் செய்கிறது. திரைத்துறையில் இருந்து போராட்டத்தை சந்தித்த அமீரும், சீமானும் சிறைக்கம்பிகளில் இருந்து பெருமுயற்சியுடன் மீளவேண்டிய காலகட்டத்தில் இவரின் தீக்குளிப்பு இப்பிரச்சனையில் ஒரு உந்துதலை ஏற்படுத்தும் என்பது உண்மை. ஆனாலும் இதற்கு பின்பும் கூட இந்திய அரசோ, தமிழக அரசோ எவ்விதமான நடவடிக்கையும் மேற்கொள்ள போவதில்லை.

முதல்வர் கருணாநிதி பேசினார் இப்படி... இலங்கை தமிழர் பிரச்சனையில் திமுக பொதுக்குழு விரைவில் கூடுகிறது. அப்போது எடுக்கப்படும் முடிவு தமிழர்களுக்கு பொன்னாடை போர்த்துவதாக அமையும்... என்றார். அவரது வாக்குப்படியே வைத்துக்கொள்வோம். 3ம் தேதி நெருங்கித்தானே வருகிறது. நீங்கள் என்ன பொன்னாடையை போர்த்த போகிறீர்கள் என்று ஒட்டு மொத்த தமிழகமும் பார்க்கத்தானே போகிறது?

அடுத்து ஜெயலலிதா சொல்கிறார்... புலிகள் ஆயுதங்களை கீழே போட்டுவிட்டு வரவேண்டும் என்று... அது சரி ராஜபக்சேவிற்கும் உங்களுக்கும் என்ன வித்தியாசம் இருக்கிறது? அவரும் இதைத்தானே சொல்கிறார்? கிட்டத்தட்ட ஒரே மாதிரியான பிணந்தின்னி பேய்களின் ஆசை உங்களுக்குள் ஒளிந்து தான் இருக்கிறது.

தமிழர் பிரச்சனைக்காக இவர்களையெல்லாம் தலைவர்களாக கொண்ட நாங்கள் எந்த வகையிலும் நியாயம் பெற போராட முடியாது. ஒரு வேளை தமிழர்களாகிய நாங்கள் இஸ்லாமியராகவோ, கிறிஸ்தவர்களாகவே இருந்திருந்தால் ஒருவேளை, சார்புடைய நாடுகளின் ஆதரவு கரமாவது நீண்டிருக்கும். ஆனால் தமிழன் என்ற இனத்திற்காய் எந்த ஒரு தேசமும் இல்லை. ஒட்டுக்குடித்தனம் நடத்தியே நாம் பிழைப்பை கழிக்கிறோம். எத்தனை நாடுகள் நம்மை வைத்து வளர்ந்தாலும், கடைசியில் "போடா நாயே... உனக்கென்னடா உரிமை? என்று கேட்பதையெல்லாம் சகித்து வாழ்கிறோம்.

காட்டுவாசிகளுக்கு நாகரிகம் கற்றுத்தந்தோம்... வேட்டையாடிகளுக்கு வீடுவாசல் கட்டித்தந்தோம்... கடைசியில் அவர்கள் வீட்டில் ஒன்டிக்குடித்தனம் நடத்துபவர்களாகவே நாமிருக்கிறோம். ஒரு பதிவில் லோசன் சொன்னார் தமிழினம் என்றாலே ஏமாளிதானே... என்று உண்மைதான். ஏமாளியான நம்மீது இப்போது சவாரி செய்கிறார்கள்.

ஒன்றை இப்போது சிந்திக்க வேண்டும். இந்தியன் இந்தியன் என்று மார்தட்டிக்கொள்கிறோம். ஆனாலும் இந்தியன் என்றால் இந்தி பேசுபவன் மட்டும் தான் என்கிறது ஒரு வர்க்கம். சரி ஒரு முடிவுக்கு வருவோம். இலங்கையில் குடிபெயர்ந்தவர்கள் தானே தமிழர்கள். அவர்கள் இந்திய பூர்வீக குடிகள் தானே... அவர்களும் ஒருவகையில் இந்தியன் தானே? அப்புறம் ஏன் ஒரு கன்னடனோ... மளையாளியோ... பீகாரியோ... காஸ்மீரியோ... சக இந்தியன் ஒரு புறம் சாகிறான் என்று குரல் எழுப்பவில்லை. இந்தியாவின் எந்த மாநிலத்தில் இருந்து தமிழனுக்காய் குரல் ஒலிக்கிறது? உகூம் எவனும் எழுப்ப மாட்டான்.

ஒவ்வொருவனும் அவனுக்காகவும், அவன் இனத்திற்காகவும் மட்டுமே வாழ்கிறான். கன்னடன் தனக்காக போராடுகிறான்.கஷ்மீரி தனக்காக போராடுகிறான் என்ற எண்ணம் ஒவ்வொரு இந்தியன் மனதிலும் வந்து விட்டது. இவர்களிடம் இருந்து எந்த ஆதரவையும் எதிர்பார்க்க முடியாது.

தமிழன் தான் விடுதலைப்புலி... விடுதலைப்புலி தான் தமிழன் என்ற வகையில் இந்திய அரசு நம்பிக்கொண்டிருக்கிறது. புலிகளை கொன்றாலும் அங்கேயும் ஒரு தமிழன் தான் செத்துப்போகிறான். இன்னொரு தமிழன் தான் விடுதலைப்புலியாகவும் மாறுகிறான் என்பதில் மாற்றுக்கருத்தில்லை. அதற்காக ஒட்டுமொத்த தமிழனத்தையும் கழுவிலேற்ற துடிக்கும் இலங்கை அரசுக்கு எல்லாவித உதவிகளையும் செய்து, ராஜபக்சேவிற்கு விருந்து கொடுத்து உபசரிப்பது என்பது ஏற்க தக்கதா?

ராஜிவ்காந்தியை விடுதலைபுலிகள் ஒரு முறைதானே கொன்றார்கள்... நீங்கள் எத்தனை தமிழனை மறைமுகமாக கொன்று குவிக்கிறீர்கள். ஒரு கொலைக்குற்றவாளி என்ற காரணத்திற்காக நளினி காலங்காலத்திற்கும் சிறைக்கம்பிகளை எண்ணுகிறார்கள் என்றால், இந்திய அரசை நிர்வாகம் செய்யும் நீங்கள் தமிழர்களை கொன்று குவிக்கும் கொலையாளிக்கு உதவியதாக எத்தனை ஆண்டுகள் சிறையில் இருக்க வேண்டும்?

ஒரு சீக்கியன் தானே அன்னை இந்திராவை கொன்றது? அதற்காக எல்லா சீக்கியனையும் இப்படி நீங்கள் கூண்டில் ஏற்றி குற்றவாளியாக்கினீர்களா?

தமிழனும் இந்தியன் என்பதை நீங்கள் ஒத்துக்கொள்கிறீர்களா? அப்படியென்றால் தமிழனுக்கு மட்டும் ஏனிந்த அவலம்? இந்திய கட்டமைப்புக்கு வெளிநாடுவாழ் இந்தியர்களின் நிதியாதாரம் அவசியம் என்று எல்லோரும் கூறி அவர்களின் முதலீட்டை பெறுகிறீர்களே... அதில் எத்தனை தமிழனின் வியர்வையும், ரத்தமும் கலந்திருக்கிறது. அவர்களின் பணத்தை பெற்றுக்கொண்டே... அவர்களுக்கு துரோகம் செய்வது, விருந்து கொடுப்பவர்களையே விஷம் வைத்து கொல்லும் செயல் அல்லவா?

தமிழனத்திற்காக இன்று எரிந்த அக்கினிகுஞ்சு நாளை ஒரு காட்டையே நிச்சயமாய் எரிக்கத்தான் போகிறது. அதில் இந்திய தேசம் என்ற வார்த்தையும் கூட பொசுங்கி போகிலாம். வல்லரசு என்று கனவுகளை சுமக்கும் தமிழனுக்காய் ஒரு நல்லரசு மலரத்தான் போகிறது.

அய்யகோ தமிழினமே அழிகிறது

தமிழக முதல்வர் சட்டப்பேரவையில் நமது தொப்புள்கொடி உறவுகளுக்காக ஆற்றிய உரையின் தலைப்பு இது.

இந்த உரையிலும் அவரால் தனித்தன்மையுடன் உரையாற்ற முடியாத அளவிற்கு அதிமுக சொல்வதை போன்று மைனாரிட்டி அரசுக்குரிய ஒரு பலவீனமான காய்நகர்த்துதலே தோன்றுகிறது.

அவரது உரையில் .... இந்தியா இன்று பலவீனமாக உள்ளது. அது வெளிநாட்டில் உள்ள தனது மக்களுக்காக எதுவும் செய்ய முடியாத நிலையில் உள்ளது. ஆனால் இந்தியா அவர்கள் படும் துயரங்களையும், இழிவையும் மறப்பதில்லை.ஒரு நாள் வரும்... அன்று இந்தியாவின் பாதுகாப்பு கரம் நீளும். அதன் வலிமையினால் அவர்களுக்கு நீதி கிடைக்கும். என்றார்.

அந்த நாள் எப்போது வரும் என்பதை தான் கோடிக்கணக்கான தமிழர்கள் கேட்கிறார்கள். ஆட்சியா? தமிழின உணர்வா? என்று தராசு தட்டில் எடை போட்டால் எந்த திராவிட கட்சியிலும் தமிழின உணர்வு வெயிட்டாக இருக்காது. அதே நிலை தான் இன்று திமுகவிற்கும். இந்தியா பலவீனமாக இருக்கிறதோ என்னவோ திமுகவின் சட்டமன்ற பலம் குறைவாகவே இருப்பதை தான் முதல்வர் இப்படி சுட்டிக்காட்டி இருக்கிறார் என்று தோன்றுகிறது.

அதிமுகவின் நாடகம்
ஒரு நாடகத்திற்கு துணை போக முடியாது என்று எதிர்கட்சி துணைத்தலைவரான ஓ.பன்னீர் செல்வம் கூறியிருக்கும் கருத்தும் கூட ஏற்புடையதல்ல. ஆளுங்கட்சிக்கு எதிராகவே இருக்க வேண்டும் என்ற ஒரே கொள்கைக்காக தமிழ் இன உணர்வுகளை குழிதோண்டி புதைத்துவிட்டு பேசும் ஜெயலலிதாவும், அவரது உடன் பிறப்புக்களும் இந்த வார்த்தையை உபயோகிக்க தகுதியற்றவர்களே...

திருமாவின் ஒரு கை ஓசை மட்டும் தமிழகத்தில் எந்த தாக்கத்தையும் ஏற்படுத்த போவதில்லை. பா.ம.கவும் தமிழ் பற்றுள்ள அமைப்புக்களும் எடுக்கும் எந்த நடவடிக்கையும் மத்திய அரசின் காதுகளை சென்றடைய போவதில்லை.

தீர்க்கமான ஒரு முடிவாக ஒட்டுமொத்த தமிழகமும் தன்வீடு பற்றி எரிவதை சிந்தித்து, நெருப்பு நரிகளின் கொட்டத்தை அடக்க களமிறங்க வேண்டும். அதுவரையில் இலங்கையில் தமிழன் சிந்தும் ரத்தத்தை நிறுத்த முடியாது.

இணைய வானொலிகள் (0nline tamil radio) Tamil internet fm

இணைய வானொலிகள்
(0nline tamil radio) Tamil internet fm
* சீன வானொலி தமிழ் - சீனா http://ta.chinabroadcast.cn/
* பிபிசி தமிழோசை - ஐக்கிய இராச்சியம் - http://www.bbc.co.uk/tamil/
* இலங்கை ஒலிபரப்புக் கூட்டுத்தாபனம் - இலங்கை - http://www.slbc.lk/
* ஷ்யாம் ரேடியோ - இந்தியா - http://www.shyamradio.com/
* சக்தி எப் எம் - இலங்கை - http://www.shakthifm.com/
* தென்றல் இணையத்தமிழ் வானொலி - ஐக்கிய அமெரிக்கா - http://www.thendral.com/
* உலகத் தமிழர் வானொலி - ஐக்கிய இராச்சியம் - http://www.wtruk.com/index.html
* தமிழ் ஒலிபரப்புக் கூட்டுத்தாபனம் - ஐக்கிய இராச்சியம் - http://www.tbcuk.com/
* ஒலி (இணைய வானொலி) - சிங்கப்பூர் - http://www.oli.sg/
* தேமதுரைத் தமிழோசை - நியூசிலாந்து - http://www.tamilmedianz.com/
* தென்றல் உலக வானொலி - ஜெர்மனி - http://www.thenralworldradio.de/
* மெரினா அமெரிக்கத் தமிழ்ழோசை - ஐக்கிய அமெரிக்கா - http://www.merina.com/
* வெரிதாசு ஆசிய வானொலி - http://www.tamil.rveritas-asia.org/
* கனேடிய தமிழ் ஒலிபரப்புக் கூட்டுத்தாபனம் (24 மணிநேரமும்) - கனடா - http://www.ctbc.com/
* கீதவாணி (24 மணிநேரமும்) - கனடா - http://www.geethavaani.ossai.com/
* கனேடிய தமிழ் வானொலி (24 மணிநேரமும்) - கனடா - http://www.ctr24.com/
* உலகத் தமிழ் ஓசை - http://www.intamil24.com/
* புலிகளின்குரல் தமிழீழ வானொலி - இலங்கை - http://pulikalinkural.com/
* ஆஸ்திரேலியா தமிழ் ஒலிபரப்புக் கூட்டுத்தாபனம் - ஆஸ்திரேலியா - http://www.atbc.net.au/
* அனைத்துலக ஒலிபரப்புக் கூட்டுத்தாபனம் தமிழ் - ஐக்கிய இராச்சியம் - http://www.allovertamil.com/
* நோர்வே தமிழ் முரசம் - நோர்வே http://www.tamilmurasam.com
* கலசம் - http://www.kalasam.com/
* வத்திக்கான் வானொலி - வத்திக்கான் - http://www.oecumene.radiovaticana.org/in3/index.asp
* ஐரோப்பிய தமிழ் வானொலி (24 மணிநேரமும்) - ஜேர்மனி - http://www.etr24.com/
* லண்டன் தமிழ் வானொலி (24 மணிநேரமும்) - ஐக்கிய இராச்சியம் - http://www.firstaudio.info/
* சங்கநாதம் - ஆஸ்திரேலியா - http://www.sanganatham.net/
* தமிழ் முழக்கம் - ஆஸ்திரேலியா - http://www.2000fm.com/tamil/index.htm
* மின்னல் (வானொலி) - மலேசியா - http://www.maraz.us/minnal/index.htm

மதுவிலக்கு கொள்கை தமிழகத்தில் எடுபடுமா?

தமிழகத்தில் 8.500 மதுக்கடைகள் துவக்கப்பட்டன. இந்த நிலையில் படிப்படியாக 9,500க்கும் மேற்பட்ட மதுக்கடைகள் தமிழகத்தில் உள்ளன. ஆனால் தமிழகத்தில்
3924 பொது நூலகங்கள் உள்ளன என்பது வேதனைக்குரிய விஷயம்.

இந்த நிலையில் தமிழகத்தில் உள்ள அரசியல்கட்சிகள் சில மதுக்கடைகளை அடைக்க வேண்டும் என்று போராட்டம் நடத்துகின்றன. இதையடுத்து மதுக்கடைகளின் வேலைநேரம் இரவு 10 மணியுடன் முடிவடையும் என்று தமிழக அரசு அறிவித்தது. வரவேற்க கூடிய விஷயம் தான் இது என்றாலும்.

மதுவை ஒழிப்போம் என்று வரிந்து கட்டும் அரசியில் கட்சிகளை சேர்ந்த முக்கிய பிரமுகர்கள் சிலரே மது அருந்தவில்லை என்று மக்கள் மத்தியில் அறிவிக்க முடியுமா? அப்படி செய்தால் அதை கண்டிப்பாக தமிழக மக்கள் வரவேற்பார்கள்.

கே.உதுமான்
முன்னாள் நகர்மன்ற உறுப்பினர்

ஒரு சோதனை புக்மார்க் திரட்டி _

ஒரு சோதனை புக்மார்க் திரட்டி உங்கள் பதிவை இணைக்க இணையத்திற்கு வாருங்கள்...
இங்கே சொடுக்கி சோதனை திரட்டிக்கு செல்லலாம்

ஒரு சோதனை புக்மார்க் திரட்டி

ஒரு சோதனை புக்மார்க் திரட்டி உங்கள் பதிவை இணைக்க இணையத்திற்கு வாருங்கள்...
இங்கே சொடுக்கி சோதனை திரட்டிக்கு செல்லலாம்